Венгерскі лаўкостэр Wizz Air можа адкрыць прамыя рэйсы ў Мінск, паведаміў сёння журналістам дзяржаўны сакратар Міністэрства замежных спраў і знешняга гандлю Венгрыі Чаба Балаг.
Чаба Балаг адзначыў, што абмяркоўваецца пытанне аб павелічэнні колькасці прамых авіярэйсаў у Беларусь. «У нас цесныя, добрыя адносіны з авіякампаніяй венгерскага паходжання — Wizz Air. Паспрабуем абмеркаваць з ёй адкрыццё прамых рэйсаў у Беларусь. Напэўна, у наступным годзе прадстаўнікі кампаніі прыедуць сюды (у Мінск) і пачнуць практычную рэалізацыю», — сказаў ён.
Прамыя авіярэйсы, па словах прадстаўніка МЗС, важныя не толькі для турыстаў, але і для бізнэсменаў. «Існуюць прамыя рэйсы паміж краінамі два-тры разы на тыдзень. Для бізнэсу гэтага недастаткова», - дадаў ён.
