У Віцебску п'яны мужчына пракраўся ў чужую хату і ледзь не згарэў, паведамілі ў абласным упраўленні МНС.

Фота: МНС.

Пажар адбыўся 8 лістапада ў прыватным доме. Калі ратавальнікі прыехалі на месца здарэння, гарэў дах. У адным з пакояў супрацоўнікі МНС знайшлі п'янага мужчыну, які раней трапіў у хату.

Выратаванага перадалі брыгадзе хуткай медыцынскай дапамогі, пасля агляду ад шпіталізацыі ён адмовіўся. Гаспадыні ў хаце ў момант пажару не было. У выніку агнём пашкоджаны дах, столевае перакрыцце, сцены і маёмасць.

Прычына пажару высвятляецца. Магчымая версія — падпал. Яе правяраюць міліцыянеры і следчыя.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру