Супрацоўнікі ДАІ ўначы спынілі ў Белаазерску BMW пад кіраваннем 34-гадовага мясцовага жыхара. Мужчына паказаў праваахоўнікам пасведчанне кіроўцы.

фота sudexpert.gov.by

Пры праверцы па базе выявілася, што мужчына з 2016 года пазбаўлены на тры гады правоў на кіраванне. Акрамя таго, на пасведчанні, якое паказаў кіроўца, і ў базе знаходзяцца розныя фатаграфіі. Давялося прызначыць экспертызу дакументаў.

Дзяржаўны камітэт судовых экспертыз выявіў, што бланк пасведчання кіроўцы выраблены не прадпрыемствам, якія ажыццяўляюць вытворчасць прадукцыі дадзенага выгляду. Усе выявы пярэдняга і адваротнага бакоў надрукаваныя на струйным прынтары, а ультрафіялетавая абарона пасведчання кіроўцы імітаваная.

Распачата крымінальная справа за выраб падробленых дакументаў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру