«Астравіцяне» — гэта ад назвы «Астравец», патлумачыў карэспандэнту НН мастак.
Сваю новую працу Аляксей Марачкін прысвяціў тэме атамнай электрастанцыі, што будуецца ў Астраўцы, ды звязанымі з гэтым будаўніцтвам трывогамі.
Карціна мае быць выстаўленая на традыцыйным «Біенале жывапісу, графікі і скульптуры» Беларускага саюза мастакоў, што распачнецца 22 лістапада ў мінскім Палацы мастацтваў (Казлова, 3).
78-гадовы Аляксей Марачкін — адзін з патрыярхаў беларускага мастацтва. Ён працуе ў галіне жывапісу, выкладае. Марачкін даследаваў (і фактычна пераадкрыў) спадчыну Язэпа Драздовіча. У 1970-я ён уваходзіў у дэмакратычнае аб'яднанне мастакоў «На паддашку», быў сярод заснавальнікаў мастакоўскай суполкі «Пагоня».
0
0
0
0
0
0
