На фота — Яўген Яблонскі, fcbate.by
У суботу вызначыўся апошні ўдзельнік 1/4 фіналу Кубка Беларусі па футболе. БАТЭ прымаў «Гарадзею». Прычым у складзе барысаўскага клуба не было 12 гульцоў асноўнага складу: іх выклікалі ў нацыянальныя зборныя.
Справа дайшла да пенальці, дзе БАТЭ перамог 4:2 і ідзе ў наступную стадыю.
Цікава, што чатыры з васьмі матчаў гэтай стадыі скончыліся серыяй пенальці. Праз іх прайшлі таксама «Шахцёр» (перамог Брэст), «Віцебск» (абыграў Жодзіна) і «Белшына», што адолела «Славію».
Чвэрцьфіналы пройдуць у сакавіку.
Пары наступныя:
БАТЭ — Іслач,
Дынама Мінск — Слуцк
Шахцёр — Белшына
Віцебск — Лакаматыў (Гомель)
0
0
0
0
0
0