Беларуска Вікторыя Азаранка пачне новы тэнісны сезон на турніры ў Оклендзе (Новая Зеландыя), паведамляе БелТА.
Экс-першая ракетка Беларусі не ўпершыню стартуе на гэтых спаборніцтвах. Годам раней Вікторыя Азаранка таксама пачынала выступ у Оклендзе. Гэты турнір яна будзе разглядаць як этап падрыхтоўкі да Адкрытага чэмпіянату Аўстраліі, пераможцам якога беларуска станавілася двойчы.
Арына Сабаленка, якая займае 11-е месца ў рэйтынгу WTA, плануе пачаць сезон у кітайскім Шэньчжэні.
Сусветная жаночая тэнісная асацыяцыя назвала галоўныя сенсацыі сезона 2018 года. У гэтым спісе на чацвёртым месцы перамога Арыны Сабаленка над Каралін Вазняцкі ў другім крузе турніру ў Манрэалі.
0
0
0
0
0
0
