heavy.com
У ЗША на 107-м годзе жыцця памёр Рэй Чавес, найстарэйшы з ветэранаў, якія перажылі атаку Японіі на базу Перл-Харбар падчас Другой сусветнай вайны, паведамляе Fox News.
Па дадзеных тэлеканала, мужчына памёр у штаце Каліфорнія.
Рэй Чавес нарадзіўся ў Сан-Бернардына, штат Каліфорнія, у 1911 годзе. Ва ўзросце 27 гадоў пачаў службу на флоце. У званні кватэрмайстара служыў на тральшчыку «Кондар».
7 снежня 1941 года ўдзельнічаў у адбіцці атакі японскай авіяцыі на базу Перл-Харбар, размешчаную на Гавайскіх астравах. Наступныя дзевяць дзён пасля нападу Чавес бесперапынна працаваў над ліквідацыяй наступстваў нападу.
У выніку атакі Японіі на Перл-Харбар загінулі 2 403 чалавекі, яшчэ 1 178 атрымалі раненні.
