Фота vitvesti.by
Жыхары вуліцы Незалежнасці ў Віцебску звярнуліся па дапамогу да эколагаў, каб выратаваць лебедзя. Птушка плавала ў невялічкім возеры ў палонцы памерам з пісьмовы стол.
Эколагі разам з супрацоўнікамі спецаўтабазы злавілі птушку і адправілі яе ў заапарк. Гэта быў малады лебедзь, які амаль не мог лётаць, але не з-за хваробы, а з-за лішняй вагі.
Як распавёў vitvesti.by начальнік Віцебскай гарадской інспекцыі прыродных рэсурсаў і аховы навакольнага асяроддзя Валерый Фандо, лебедзь не можа праляцець больш за 30 метраў, а хадзіў па лёдзе пешкі. Мясцовых жыхароў, якія яго кармілі, ён не баіцца.
Лебедзь мог стаць лёгкай здабычай сабак, таму яго і вырашылі адправіць у заапарк. Увесну птушку выпусцяць на волю.
0
0
0
0
0
0