Фота Дзмітрыя Брушко

За мінулыя суткі з Кіева ў Мінск вярнулі яшчэ 38 расіянаў, якіх не прапусцілі ўкраінскія памежнікі ў аэрапорце. Пра гэта TUT.BY паведамілі ў Дзяржпагранкамітэце Беларусі.

У аўторак паведамлялася пра 47 грамадзян Расійскай Федэрацыі, якіх вярнулі ў аэрапорт Мінска з Кіева.

— Па стане на сённяшнюю раніцу з Кіева вярнулі ў Мінск яшчэ 38 грамадзян Расійскай Федэрацыі. Такая сітуацыя характэрная толькі для рэйсаў у Кіеў, з іншых украінскіх гарадоў, куды лётаюць праз Беларусь, зваротаў не было, — распавёў афіцыйны прадстаўнік Дзяржпагранкамітэта Антон Бычкоўскі.

Дзевяць чалавек з 38 вернутых у Мінск расіянаў ляцелі замежнымі авіякампаніямі. Паводле інфармацыі TUT.BY, паміж Мінскам і Кіевам лётаюць яшчэ і «Міжнародныя авіялініі Украіны».

Беларускі Дзяржпагранкамітэт адзначае, што вяртання расіянаў, якія едуць ва Украіну праз беларускія наземныя пункты пропуску, няма.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру