Старшыня Сінадальнага інфармацыйнага аддзела БПЦ протаіерэй Сергій Лепін выказаўся ў сваім фэйсбуку з нагоды абмеркавання беларускага падручніка рускай літаратуры, дзе паўстанне 1863—1864 гадоў называецца польскім.
Чытайце таксама:
У новых падручніках па літаратуры паўстанне Каліноўскага назвалі «польскім». Сярод рэцэнзентаў — актывісты фонду «Русскій мір»
Нацыянальны інстытут адукацыі: Якая памылка? Паўстанне Каліноўскага пачалося на этнічных польскіх тэрыторыях
«Дзецюкі, а што не так? Сапраўды, паўстанне Каліноўскага было … польскім. Дэвіз Каліноўскага: «Польская справа — гэта наша справа, гэта справа волі».
Сам Каліноўскі — польскі патрыёт, для якога Літва — Польская зямля. Ён і мужыкоў беларускіх, якім піша, называе мужыкамі польскімі: «Калi цяпер Ронд Польскi, падняўшы паўстанне процiў маскаля, дае нам землю, справядлiвую вольнасць i веру нашых бацькоў… Чы ж мы сядзецi будзем? Мы, што жывема на зямлi польскай, што ямо хлеб польскі, мы, палякі з вякоў вечных» («Ліст Яські-гаспадара з-пад Вільні да мужыкоў зямлі польскай»)», — піша прадстаўнік БПЦ.
