Фота МНС.
«У гаспадыні дома быў дзень нараджэння, святкавала сваё 65-годдзе. З гэтай нагоды запрасіла ў госці малодшую, 57-гадовую, сястру і яе мужа. А пасля адзінаццаці вечара вяскоўцы патэлефанавалі ратавальнікам і паведамілі аб пажары ў доме імянінніцы. Пажарныя разлікі прыбылі ў лічаныя хвіліны, але да гэтага часу дом ужо гарэў адкрытым полымем, адбылося частковае абрушэнне даху і перакрыццяў. На жаль, не ўдалося выратавацца ні гаспадыні, ні яе гасцям — усе загінулі.
Дакладная прычына пажару зараз высвятляецца. Але ўжо ёсць адна версія: агонь мог разгарэцца з-за неасцярожнасці пры курэнні госця, мужа сястры гаспадыні», — распавяла старшы інспектар цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.
