Магчымасць на працягу месяца абсалютна легальна глядзець серыялы проста на працоўным месцы і атрымліваць за гэта зусім неблагі па беларускіх мерках заробак у 1000 рублёў прывабіла многіх — настолькі, што працадаўцу прыйшлося скончыць прыём рэзюмэ ўжо на трэція суткі пасля змяшчэння вакансіі.
Для прэтэндэнтаў арганізавалі адбор у фармаце кастынгу з крэатыўнымі заданнямі і нечаканымі пытаннямі. Найлепшай з сотні фіналістаў адбору, на думку журы, стала маладая спецыялістка ў сферы лінгвістычнага забеспячэння міжкультурных сувязей Станіслава Путрына.
Цяпер яе чакае цэлы месяц цікавай працы: праглядаць расійскія серыялы са спісу працадаўцы, выстаўляць ім адзнакі і фарміраваць рэйтынг, каб карыстальнікам Voka было прасцей арыентавацца ў свеце серыяльных навінак.
«Станіслава з першых дзён здолела арганічна ўпісацца ў дружную каманду Voka, так што гэты месяц будзе цікавым і запамінальным для ўсіх нас. Мы вельмі спадзяемся, што яна добра зарэкамендуе сябе — і тады ўжо ў бліжэйшы час нашу спецыялістку па праглядзе серыялаў чакае павышэнне: ад расійскіх серыялаў яна зможа перайсці да замежных, а ў спісе яе службовых абавязкаў з’явяцца яшчэ больш адказныя і цікавыя задачы», — адзначылі ў відэасэрвісе Voka.
Неабходнасць у спецыялісце па праглядзе серыялаў узнікла ў сувязі са з’яўленнем пакета START для карыстальнікаў Voka. Менавіта над аптымізацыяй яго кантэнту і трэба будзе працаваць пераможцу кастынгу. Зусім хутка гледачы змогуць ацаніць вынікі работы Станіславы: ім стане прасцей і зручней шукаць цікавыя для сябе навінкі і арыентавацца ў разнастайнасці прапанаванага кантэнту.
А проста зараз усе ахвотныя могуць даведацца, як праходзіў завяршальны этап кастынгу і як быў вызначаны пераможца: трэці выпуск шоу VOKAMAN ужо з’явіўся на платформе Voka і даступны па спасылцы.
