Здарэнне адбылося днём 15 студзеня ў Паўднёвым мікрараёне Баранавічаў. Дзяўчынка загінула. У праваахоўных органах гэтую інфармацыю Intex-press пацвердзілі.
Дзяўчынка вучылася ў 9 класе адной з агульнаадукацыйных устаноў горада. Вядома, што яна выхоўвалася ў поўнай паспяховай сям'і.
У дзень трагедыі школьніца не прыйшла на заняткі.
— Вельмі добрая дзяўчынка. Алімпіядніца, выдатна вучылася. Усе проста шакаваныя. Ні ў каго няма ніякіх версій, што магло здарыцца, — сказала Intex-press настаўніца дзяўчынкі.
