Беларуская аўтамабільная асацыяцыя назвала самыя прадаваныя маркі аўтамабіляў, а таксама самыя папулярныя мадэлі.
Першае месца ў рэйтынгу займае «Лада Веста» (5269 прададзеных аўто ў 2018 годзе).
Лада Веста.
На другім месцы знаходзіцца «Фальксваген Пола» — 4908 машын, на трэцім — «Рэно Логан» з 3250 машынамі.
На чацвёртым месцы «Рэно Сандэра Стэпуэй», удалося прадаць 2976 аўтамабіляў. На пятым — «Рэно Дастэр» (2359).
Шостае месца — «Джылі Атлас» (2315 машын).
Сёмае месца заняла «Шкода Рапід» — 1972 машыны, восьмае — «Лада Ларгус» (1950 машын).
Завяршаюць дзясятку самых папулярных мадэляў «Рэно Каптур» (1783 аўто) і «Хёндэ Крэта» — 1346 машын.
Што тычыцца марак, тут рэйтынг наступны (колькасць прададзеных машын):
- Рэно 11310
- Лада 10481
- Фальксваген 6933
- Джылі 3304
- Шкода 3243
- Нісан 3091
- Кіа 2682
- Хёндэ 2448
- ГАЗ 2392
- Форд 1110
