Інцыдэнт адбыўся раніцай 3 лютага каля дома №3 на вуліцы Янкі Купалы ў Віцебску. З даху над пад'ездам упалі вялікія кавалкі лёду і трапілі на машыну Toyota, якая належыць мясцовай жыхарцы, мастачцы і фатографу Ліліі Кулянёнак.
Здарэнне адбылося 3 лютага, каля 10 гадзін раніцы, каля дома № 3 на Янкі Купалы. Фота: Лілія Кулянёнак.
Лёд на машыну зваліўся з даху каля 10 гадзін раніцы. Разбілася задняе шкло. Частка кавалкаў звалілася на казырок пад'езда, а частка — на зямлю.
Жанчына да гэтага часу ў шоку:
— Добра яшчэ, што гэтыя крыгі не зваліліся на маю галаву, мне б гэта наогул не спадабалася. У мяне валасы дуба сталі: калі я разглядала гэтую дзірку ў шкле, з даху ў другі раз сышла цэлая «лавіна». За спіной у мяне грукнуліся на зямлю некалькі вялікіх крыг — памерам як дзве цагліны кожная.
Так выглядае разбітая машына. Фота: Лілія Кулянёнак.
Жанчына кажа, што баіцца цяпер, як бы сыходжанне лёду не паўтарылася.
Урон, як падлічыла гаспадыня пацярпелай машыны, склаў прыкладна 700 рублёў: «Гэта калі ставіць арыгінальнае таётаўскае шкло. Плюс тыдзень, пакуль шкло будзе ісці пад заказ, я буду без аўто. Хіба што зацягнуць плёнкай».
Фота: Лілія Кулянёнак.
Лілія Кулянёнак кажа, што за ўсю зіму ні разу не бачыла, каб на даху дома чысцілі снег.
