Фота: wikipedia.org.
National Enquirer апублікаваў фота Безаса з былой тэлевядучай Ларэн Санчэс яшчэ да таго, як стала вядома пра яго развод з жонкай Макензі. Бізнэсмен палічыў, што гэта звязана з палітыкай: ён валодае выданнем Washington Post, якое рэгулярна крытыкуе прэзідэнта ЗША Дональда Трампа, тады як Дэвід Пэкер падтрымлівае амерыканскага лідара.
Безас пачаў расследаванне, каб высветліць, ці ёсць у скандалу палітычныя матывы. Пасля гэтага ён атрымаў ліст ад Файна, дзе той заявіў, што выданне апублікуе новую серыю здымкаў, калі ён не спыніць расследаванне. Адвакат падмацаваў ліст падрабязным апісаннем інтымных дэталяў, захаваных на фота.
Файн запатрабаваў зрабіць публічную заяву аб тым, што зыходныя публікацыі пра асабістае жыццё Безаса ніяк не звязаныя з палітыкай. Мільярдэр падкрэсліў, што ён не будзе выступаць з заявамі з-за страху быць выкрытым. «Замест таго, каб паддацца вымагальніцтву і шантажу, я вырашыў апублікаваць тое, што яны мне даслалі, нягледзячы на нязручныя для мяне асабістыя падрабязнасці», — сказаў Безас.
