Міністэрства антыманапольнага рэгулявання і гандлю прааналізуе тарыфы на паслугі сотавай сувязі і пасажырскага транспарту, паведаміў журналістам намеснік міністра антыманапольнага рэгулявання і гандлю Іван Вежнавец перад калегіяй ведамства, перадае БелТА.
«Задача па інфляцыі на 2019 год — не больш за 5 працэнтаў. У першую чаргу МАРГ працуе над пазіцыямі, якія можна адрэгуляваць, ключавая задача — фарміраванне зразумелых і празрыстых методык устанаўлення цэн. Мы правялі работу і зрабілі методыку па грузавых перавозках чыгуначным транспартам. Такую ж работу ў 2019 годзе мы плануем правесці па іншых сферах — гэта сотавая сувязь, гарадскія пасажырскія перавозкі і іншыя пазіцыі», — расказаў Іван Вежнавец.
0
0
0
0
0
0
