Супрацоўнікі РАУС Гомеля раскрылі схему крадзяжу прадуктаў харчавання, прызначаных для гатавання ежы ў школьных сталовых.
Крымінальная справа па артыкуле «Крадзеж шляхам злоўжывання службовымі паўнамоцтвамі» распачата ў дачыненні да жыхара абласнога цэнтра, а таксама загадчыцы вытворчасцю і таваразнаўца КУП «Гомельскі гарадскі камбінат школьнага харчавання».
У кожнага фігуранта была свая роля. Загадчыца сталовай адпраўляла на склад камбіната штодзённыя заяўкі на прадукты. Пры гэтым у дакументах яна завышала колькасць навучэнцаў. Такім чынам утвараліся лішкі, якія таваразнаўца прадпрыемства афармляла «ліпавымі» накладнымі і пакідала на складзе. Падробленыя дакументы падпісвала загадчыца, што дазваляла саўдзельнікам доўгі час утойваць парушэнні.
Выкрадзеныя крупы, мяса, згушчанае малако, цукар, крабавыя палачкі і іншае вывозіў з тэрыторыі прадпрыемства знаёмы таваразнаўцы.
Далей тавары прадаваліся па заніжаных цэнах. Мяркуецца, што магчымымі пакупнікамі былі індывідуальныя прадпрымальнікі, у тым ліку з Расіі. Большую частку выручкі загадчыца пакідала сабе, а астатняя сума дзялілася паміж змоўшчыкамі.
Злачынная дзейнасць ажыццяўлялася з красавіка па снежань мінулага года. За гэты час падазраваныя выкралі тавар на суму звыш 46 тысяч рублёў.
