Упраўленне папраўчай службы Ганконга тэсціруе турмы, у якіх аўтаматызаваныя сістэмы возьмуць на сябе частку назірання за зняволенымі, паведамляе South China Morning Post.
Ведамства хоча забяспечыць усіх зняволеных наручнымі трэкерамі, якія ў любы момант часу будуць адсочваць месцазнаходжанне чалавека і яго пульс.
Камісар папраўчых устаноў сказаў, што новыя тэхналогіі будуць дапамагаць захоўваць бяспеку, больш эфектыўна выяўляючы ненармальныя паводзіны зняволеных.
Яшчэ адным новаўвядзеннем стане робат-маніпулятар для некаторых непрыемных работ. Робат, распрацаваны мясцовай тэхналагічнай фірмай, будзе правяраць фекаліі зняволеных на наркотыкі, якія яны маглі праглынуць, перш чым патрапіць у турму.
Раней такой непрыемнай задачай вымушаны былі займацца афіцэры.