У пачатку лютага ў Светлагорску пяцёра мужчын распівалі спіртныя напоі на кватэры, якая належыць аднаму з іх. Застолле працягвалася на працягу дня. Канфлікт узнік нечакана: адзін з сабутэльнікаў абвінаваціў кампаньёна ў крадзяжы грошай. Нягледзячы на тое, што 41-гадовы абвінавачаны адмаўляў сваю недаказаную віну, яго вырашылі правучыць.
Пасля збіцця пацярпеламу давялося прызнаць, што ён вінаваты. А каб надалей рабіць такое было непанадна, 33-гадовы гаспадар кватэры распаліў прас і прыклаў яго да жывата ахвяры, пакінуўшы апёкі.
Абодва мужчыны неаднаразова судзімыя. У пацярпелага — закрытая чэрапна-мазгавая траўма, ён знаходзіцца ў бальніцы, стан яго стабільны.
У дачыненні да абвінавачанага распачатая крымінальная справа па ч.1 ст.147 КК Беларусі. Яму пагражае да 8 гадоў пазбаўлення волі.
