Пасажырскі самалёт брытанскай авіякампаніі Virgin Atlantic, які выконваў рэйс Лос-Анджэлес — Лондан, перавысіў хуткасць гуку дзякуючы магутнаму паветранаму патоку.
@PaulKPIX
Знаходзячыся на вышыні 11 км над паверхняй зямлі ў раёне Пенсільваніі, Boeing 787-9 Dreamliner трапіў у вышыннае патокавае цячэнне (зона моцнага ветру ў верхняй трапасферы). У выніку ён развіў хуткасць 1285 км/г (хуткасць гуку на вышыні 11 км складае 1.062 км/г).
Пілот паветранага судна з 25-гадовым стажам Пітэр Джэймс пракаментаваў у твітары.
«Амаль 800 міль у гадзіну [больш за 1280 км/г, хуткасць самалёта], ніколі не бачыў такога спадарожнага ветру ў сваім жыцці! (200 міль у гадзіну — хуткасць спадарожнага ветру) [больш за 320 км/г]», — напісаў ён.
Па дадзеных выдання, развітая хуткасць перавысіла звычайную хуткасць лайнера больш чым на 380 км/г. Тым не менш The Washington Post адзначае, што нягледзячы на тое, што самалёт перавысіў хуткасць гуку, яго ўласная хуткасць была не гэтак высокая — ён прызямліўся ў аэрапорце прыбыцця усяго на 48 хвілін раней.
