Аляксандр Лукашэнка на сустрэчы з журналістамі і прадстаўнікамі грамадскасці заявіў, што ў шосты раз будзе балатавацца на пасаду кіраўніка дзяржавы.
«Зыходзячы з цяперашняга майго стану, а таксама краіны і адносін да мяне, я не змагу не вылучыць сваю кандыдатуру на пост прэзідэнта», — сказаў беларускі лідар.
Таксама Лукашэнка выказаўся за прыняцце новай канстытуцыі. На яго думку, неабходна ўзмацніць выканаўчую і заканадаўчую галіны ўлады. Паводле слоў Лукашэнкі, гэта адбудзецца раней, чым праз 5 гадоў.