Прэсбол

Сістэма розыгрышу гандбольнай Лігі чэмпіёнаў моцна адрозніваецца ад футбольнай.

Чатыры групы: А, В, С, D. Першыя дзве (Брэсцкі гандбольны клуб імя Мяшкова (г.зн. БГК) гуляў у А) маюць па восем камандаў, C i D — па шэсць. Групы А і В — самыя моцныя, таму дэлегуюць у плэй-оф па шэсць з васьмі камандаў. З груп С і D у плэй-оф выходзяць па дзве каманды.

Але заняць шостае месца ў групе А — яшчэ тая задача. Тут гулялі «Барселона», «Веспрэм», «Вардар», «Віве», «Рэйн-Некар» — наймацнейшыя каманды Еўропы.

БГК стартаваў на групавой стадыі з дзвюх перамогаў, але потым пацярпеў шэсць паразаў запар, адзін матч звёў унічыю, зноў два матчы прайграў, у выніку апусціўся на сёмае месца.

Затым была перамога і параза.

Усё вырашалася сёння ў апошнім матчы дома з шведскім «Крысціянстадам», у якога БГК выйграў у гасцях у самым першым туры. Сёння — бліскучая перамога берасцейцаў з лікам 32:23 — і каманда ў плэй-оф.

Трэба сказаць, што ў паралельным матчы «Вардар» перамог «Манпелье», не пусціўшы французаў у плэй-оф. Інакш бы за кошт асабістых сустрэч «Манпелье» абышоў бы БГК.

Барселона — 24, Веспрэм — 20, Вардар — 19, Віве, Рэйн-Некар — 14, БГК — 9, Манпелье — 7, Крыястыянстад — 5 

Выніковая табліца групы

БГК імя Мяшкова — найлепшая беларуская каманда, неаднаразовы чэмпіён Беларусі, а гандбол у Берасці вельмі папулярны.

Брэсцкае «Дынама» без варыянтаў выйграла ў БАТЭ ў Суперкубку краіны

Клас
Панылы сорам
Ха-ха
Ого
Сумна
Абуральна