www.bizjournals.com

IT-бізнэсмен Эрык Гундарсен, CEO праграмы Mapbox, у суботу 2 сакавіка павінен быў выступіць на канферэнцыі Bulbacon у Мінску. Гундарсен збіраўся прыляцець у сталіцу Беларусі з Хельсінкі з перасадкай у Маскве, піша Еўрарадыё.

Аднак, па словах аднаго з арганізатараў Bulbacon, кафаўндара Bulba Ventures Юрыя Мельнічака, «па збегу абставінаў і памылак» Эрык трапіў у спіс неўязных у Беларусь. Бізнэсоўца не ўпусцілі ў Расію і дэпартавалі ў Хельсінкі, адкуль ён прыляцеў. А ўсё ж такі патрапіць у Мінск і паспець на канферэнцыю яму дапамагло толькі асабістае ўмяшанне дырэктара беларускага «Парка высокіх тэхналогій» Усевалада Янчэўскага.

Прэм'ер-міністра Беларусі Сяргея Румаса 1 сакавіка сустракаў у сваёй установе дырэктар Парка высокіх тэхналогій Усевалад Янчэўскі.

«У 2 гадзіны ночы я ў адчаі напісаў Усеваладу Янчэўскаму, дырэктару ПВТ, і папрасіў дапамагчы. І здзівіўся, што ў 2:05(!) ён адказаў і паабяцаў заняцца гэтым пытаннем. А раніцай ён звязаўся з МУС і міграцыйнымі ўладамі і выправіў сітуацыю! — распавядае Юрый Мельнічак. — Эрык прыляцеў прамым рэйсам у Мінск у той жа дзень, і цяпер выступае на канферэнцыі. А я стаю і думаю, што не ведаю, дзе яшчэ, акрамя Беларусі і ПВТ, гэтае пытанне магло б вырашыцца за пару гадзін раніцай. Дзякуй ПВТ і асабіста Усеваладу Янчэўскаму за такую ўцягнутасць, дзякуючы якой Эрык цяпер дзеліцца сваім досведам пабудовы аднарога з прадпрымальнікамі ў Мінску».

Mapbox займаецца распрацоўкай у галіне электроннай картаграфіі. У 2017 годзе стартап прыцягнуў $164 млн інвестыцый і вырашыў адкрыць офіс у Мінску, на базе кампаніі MapData. У цяперашні час там занятыя каля 30 чалавек — яны працуюць над тэхналогіяй аўтапілота.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру