Пра гэта БелТА паведаміў міністр унутраных спраў Беларусі Ігар Шуневіч.
Адказваючы на пытанне аб меркаванай колькасці тых, каго закране амністыя, міністр сказаў: «Дакладнага падліку мы не вялі. Будзем арыентавацца на папярэднія амністыі, якія праходзілі пры нашай падрыхтоўцы».
«Хутчэй за ўсё, будзем прапаноўваць амніставаць пэўныя катэгорыі асоб. Гэта воіны-інтэрнацыяналісты, ветэраны войнаў, ваенных канфліктаў, бацькі-адзіночкі, у якіх ёсць непаўналетнія дзеці, інваліды па здароўі, чарнобыльцы і гэтак далей. Магчыма, па некаторых складах злачынстваў будзе прапанавана, вельмі часта пытаюцца пра наркатычныя артыкулы — 328-ы (незаконны абарот наркатычных сродкаў, псіхатропных рэчываў, іх прэкурсораў і аналагаў). Мяркую, што можна разгледзець пытанне, і я таксама буду гэта прапаноўваць, - скараціць на год адбыццё пакарання некаторым катэгорыям асуджаных па гэтым артыкуле», — заявіў міністр.
Ігар Шуневіч адзначыў, што законапраект будзе ў найбліжэйшы час падрыхтаваны і ўнесены ў парламент, каб яго паспелі разгледзець да Дня Незалежнасці.
