На Валыні ў сяле Самары (усяго за некалькі кіламетраў ад Беларусі) знайшлі самую старажытную хату Украіны. Год пабудовы хаты датуецца 1587 годам.
Дом знойдзены архітэктарам Сяргеем Вяргоўскім у 1970 годзе, — паведаміў Мікалай Андрусік у суполцы «Теревені про Любешів».
Дом у Самарах — рэдкі ўзор старажытнага жылля. Гэта хата без сенцаў з дымным ацяпленнем. Сцены зроблены з хвоі. Страха — з саломы. На франтонах ветравыя дошкі з вільчакамі.
На сцяне хаты пазначана дата пабудовы — 1587. Зараз гэты дом знаходзіцца ў Нацыянальным музеі народнай архітэктуры і побыту Украіны.
0
0
0
0
0
0