Здарэнне адбылося ў доме па вуліцы Някрасава ў Магілёве, піша mogilevnews.by
У адным з дамоў разбілі акно, кінуўшы цагліну. Высветлілася, што гэта сусед.
Мужчына знаходзіўся ў стане моцнага алкагольнага ап'янення, калі прачнуўся дома і пабачыў, што жонкі няма. Ён стаў шукаць жанчыну і, не знайшоўшы яе, выскачыў на вуліцу і пабег да суседзяў. Упэўнены, што жонка знаходзіцца ў іх, мужчына стаў грукаць у дзверы з просьбай адкрыць, але, так і не атрымаўшы адказу, раззлаваўся і кінуў у вокны цагліну.
Высветлілася, што жонка хадзіла ў краму.