У Лідзе міліцыя затрымала падазраванага ў асабліва злосным хуліганстве. Па версіі праваахоўнікаў, 18-гадовы хлопец беспадстаўна ўдарыў нажом у сцягно малазнаёмага хлопца. Інцыдэнт адбыўся ўвечары на адной з мясцовых спартыўных пляцовак.
Высветлілася, што там адпачывала некалькі кампаній. Пацярпелы вырашыў пазнаёміцца са сваім крыўдзіцелем, той быў не супраць і назваўся спачатку «Русікам», а потым «Валерам». Паралельна спытаў: хочаш даведацца, чаму мяне называюць менавіта так? Суразмоўца кіўнуў, а падазраваны дастаў з кішэні нож і, нічога не кажучы, стукнуў ім хлопца ў вобласць сцягна.
Пацярпелы вымушаны быў звярнуцца ў бальніцу, дзе паведаміў, што напароўся на штыр, калі пералазіў цераз плот. Бальніца паведаміла пра раненне ў міліцыю, дзе, у выніку, высветлілі, што насамрэч адбылося.
Крымінальную справу завялі па ч.3 арт.339 КК Беларусі. Падазраваны паведаміў, што не думаў, што могуць такія неспрыяльныя вынікі.
