У былой ваеннай часці ў Лапенках (Гродна) 28 сакавіка быў пажар, у якім ледзь не загінулі двое мужчын-бадзяг. Раней за МНС туды прыехала міліцыя.
Участковаму інспектару міліцыі Ленінскага РАУС паступіла паведамленне аб тым, што з неэксплутаванага будынка на вуліцы Асфальтавай, 55 ідзе дым.
Праваахоўнікі ўвайшлі ў задымленае памяшканне, і знайшлі там двух спячых людзей. Міліцыянеры вынеслі грамадзян на паветра, пасля чаго паведамілі аб пажары ў МНС.
Адзін з мужчын дастаўлены ў бальніцу, ён знаходзіцца ў цяжкім стане. Другому мужчыну 1962 года нараджэння медыцынская дапамога не спатрэбілася.
Ратавальнікі ліквідавалі ўзгаранне.
0
0
0
0
0
0
