Праектаваная тэрыторыя займае плошчу 43,3 гектара. З жылой забудовы тут толькі прыватныя дамы былой вёскі Чырвоная Слабада і два інтэрнаты. Колькасць насельніцтва — 800 чалавек. Пасля рэалізацыі праекта гэтая лічба вырасце практычна ў тры разы і складзе 2,3 тысячы чалавек.
Горадабудаўнікі прапануюць знесці ўсе 16 сядзібаў, а на вызваленай тэрыторыі пабудаваць шматкватэрныя дамы — у дэталёвым плане межы новай забудовы пазначаныя аранжавым колерам.
Рэалізацыя праекта падзелена на два этапы. У першы, да 2024 года, будзе пабудавана 450 кватэр. Усяго ж на праектаванай тэрыторыі будзе пабудавана 700 кватэр агульнай плошчай 49,8 тысячы квадратных метраў.
Мінчанам ПДП прэзентуюць 10 красавіка, у 18.30, у будынку сярэдняй школы № 43, па адрасе: вуліца Галадзеда, 4.
