kremlin.ru
На нарадзе па пытаннях сацыяльна-эканамічнага разівцця рэгіёнаў 2 красавіка ўздымалася пытанне і заробкаў, адзначае прэс-служба кіраўніка краіны.
Лукашэнка канстатаваў, што патрабаванні па росце заработнай платы не выконваюцца. «Больш за тое, яна яшчэ і выплачваецца не ў час. І гэта адказнасць прэм'ер-міністра і першага віцэ-прэм'ера», - заўважыў ён.
У 2018 годзе толькі 10 з 128 раёнаў і гарадоў мелі заробак вышэй за сярэдні па краіне. У Магілёўскай вобласці няма ніводнага такога раёна ці горада. За студзень-люты сітуацыя кардынальна не змянілася.
«Вы ведаеце, што тэма занятасці і своечасовай выплаты заробкаў пад маім асаблівым кантролем. І сваіх жорсткіх установак у гэтым пытанні я мяняць не маю намеру, бо людзі хочуць кожны дзень есці і ў нешта апрануць дзяцей, каб адправіць у школу і ў дзіцячы сад. Не мне вам гэта тлумачыць», - сказаў Аляксандр Лукашэнка.
Нагадаем, што паводле Белстата, сярэдні заробак за люты склаў 977,6 рубля
