Струменевую цечу салянай кіслаты на станцыі «Асіповічы» выявіў 2 красавіка каля 16.20 пуцявы абходчык. Як паведамілі ў МНС, хуткасць цячэння складала каля 10 літраў за хвіліну з транспартнай чыгуначнай цыстэрны, якая ехала на станцыю Магілёў-2. На месца былі накіраваны падраздзяленні МНС.
Работнікі МНС наклалі на пашкоджанае месца спецыяльны чопік, каб спыніць цечу, а затым на месца пашкоджання — бандаж. Спецыялісты чыгункі з пажарнага цягніка наклалі пенную падушку для прадухілення выпарэння пралітай кіслаты на месцы правядзення работ на станцыі Асіповічы-3 і на месцы знаходжання цечы.
У 18.40 груз адправілі да месца прызначэння на станцыю Магілёў-2. Рух цягнікоў на станцыі Асіповічы не парушаўся.
0
0
0
0
0
0
