Злачынства адбылося яшчэ 26 кастрычніка, а 28 сакавіка ў Маладзечне адбыўся суд, піша kraj.by
39-гадовы і 33-гадовы мужчыны вырашылі абакрасці краму падбору аўтаэмаляў. Старэйшы падняўся па пажарнай лесвіцы на дах адміністрацыйнага будынка, спусціўся на вяроўцы па сцяне і павярнуў камеру відэаназірання ў іншы бок. Напарнік разбіў шкло, пранік у падвал крамы і выкраў маёмасці і грошай больш чым на дзве тысячы рублёў.
Маладзечанцаў суд прызнаў вінаватымі. 39-гадоваму прызначылі тры гады пазбаўлення волі без накіравання ў выпраўленчую ўстанову адкрытага тыпу. Акрамя таго, да яго ўжыта прымусовае лячэнне ад хранічнага алкагалізму.
Маладзейшага суд прыгаварыў да абмежавання волі тэрмінам на 1 год без накіравання ў выпраўленчую ўстанову адкрытага тыпу.
