Пра выпадак паведамілі Гомельскія ведамасці.
У горадзе выкрылі групу маладых людзей. Яны дзейнічалі прыкладна са жніўня, а ў якасці ахвяр часцей за ўсё выбіралі падлеткаў гадоў 16, — распавяла падрабязнасці старшы следчы Гомельскага гараддзела СК Ірына Співак.
— Маладыя людзі падыходзілі да людзей і прасілі ў іх мабільны тэлефон. Прычыны прыводзілі розныя. Напрыклад, казалі, што свой тэлефон у іх разрадзіўся. Але звычайна тлумачылі, што толькі што вярнуліся з заробкаў з Расіі, заробак, маўляў, на расійскай карце - і каб яе перавесці на беларускую, патрэбны мабільны з сім-картай velcom.
Калі тэлефон быў у руках зламысніка, той ставіў на ім мабільны дадатак кампаніі — банкінг і кашалёк. За ўстаноўку аператар дае 100 рублёў у якасці грашовага ліміту на аплату тавараў і паслуг з дапамогай смартфона.
Далей гэтыя 100 рублёў маладыя людзі ад імя ўладальніка тэлефона пераводзілі сабе, пасля чаго выдалялі дадаткі і ўсе смс-апавяшчэнні. На ўсе ішло 8-10 хвілін.
Праз пэўны час 100 рублёў аператару трэба вярнуць. Спачатку дадзеная сума не адлюстроўваецца на балансе абанента. Але калі праходзяць усе тэрміны, кампанія выстаўляе рахунак.
У дачыненні да выкрадальнікаў распачатыя крымінальныя справы па артыкуле «Крадзеж шляхам выкарыстання камп'ютарнай тэхнікі». Але нягледзячы на тое, што фігуранты справы вызначаны - гэта некалькі маладых людзей ва ўзросце 18-20 гадоў, у міліцыю ад гамяльчан працягвае паступаць інфармацыя пра крадзяжы з балансу.
