Беларусь і Расія абмяркоўваюць магчымасць адтэрмінавання расійскага крэдыту на будаўніцтва Беларускай атамнай электрастанцыі ў Астраўцы. Пра гэта 4 красавіка распавёў журналістам кіраўнік Белэнерга Віктар Каранкевіч, паведамляе карэспандэнт агенцтва «Мінск-Навіны».

Цяпер, паводле яго слоў, гэтае пытанне прапрацоўваецца на ўзроўні міністэрстваў фінансаў дзвюх краін. Прапановы беларускага боку датычацца як павелічэння тэрміну крэдыту — з 25 да 35 гадоў, так і зніжэння працэнтнай стаўкі.

Крэдыт на будаўніцтва АЭС быў выдзелены ў памеры 10 мільярдаў даляраў у рамках міжурадавага пагаднення. Меркавалася, што гэтыя сродкі павінны пакрыць 90% выдаткаў на будаўніцтва станцыі. Астатнія 10% аплачвае Беларусь. Пагашэнне асноўнага доўгу пачынаецца пасля ўводу АЭС у эксплуатацыю. Першы энергаблок плануецца ўвесці ў эксплуатацыю ў 2019 годзе, другі — у 2020 годзе.

У сакавіку пасол Расіі ў Мінску Міхаіл Бабіч заявіў, што расійскі бок у цяперашніх эканамічных умовах не бачыць неабходнасці ў пераглядзе ўмоў выдачы гэтага крэдыту.

Клас
Панылы сорам
Ха-ха
Ого
Сумна
Абуральна
1
Каментатар / Адказаць
01.03.1976 / 08:44
Што яшчэ зьнясеш пад гэту адіэрміноўку ?
1
Каментатар / Адказаць
13.07.2009 / 12:59
Ну, пад гэта курапацкіх крыжоў замала будзе...Што наступнае ?
1
Каментатар / Адказаць
23.03.1990 / 06:16
Жахлiвы вынiк усёй гэтай авантуры
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру