Дэпутатка Мінгарсавета Наталля Мысліўчык падзялілася сваім меркаваннем наконт правядзення суботнікаў, паведамляюць «Мінск-Навіны».
«Вельмі часта прымаю ўдзел у падобных мерапрыемствах. Мне вельмі спадабаўся сёлета праект БРСМ «Парк сямейных дрэваў», — адзначыла дэпутат. — Я прыйшла з мужам, сынам, дачкой, яе будучым мужам, і мы ўсе разам садзілі дрэва. Для нас было сапраўднае свята.
Мысліўчык падкрэсліла, што і дэпутаты, і супрацоўнікі адміністрацыі раёна, і прадстаўнікі Мінгарвыканкама таксама прыйшлі са сваімі сем'ямі, нават з маленькімі дзецьмі. І ўсе з задавальненнем займаліся пасадкай дрэў.
«Мне здаецца, што такія мерапрыемствы далучаюць маладое пакаленне да суботнікаў, — дадала яна. — Таму, калі яны вырастуць, то зразумеюць, для чаго яны патрэбныя».
