novosti-n.org
«Сёння спецыялісты называюць велізарныя сумы [шкоды для Беларусі ад забруджвання нафтаправода «Дружба»] — больш за $100 мільёнаў, — заявіў у суботу Аляксандр Лукашэнка. — Гэта велізарная шкода, нанесена нафтаправоду, самому абсталяванню на нафтаправодзе — помпам і інш., — і [шкода абсталяванню] на НПЗ». Дакладныя лічбы ён назваць адмовіўся, заявіўшы, што дачакаецца падлікаў спецыялістаў. Акрамя таго, па словах Лукашэнкі, Беларусь недаатрымала пэўны прыбытак, у прыватнасці валютную выручку за транзіт. «Мы страцілі сотні мільёнаў даляраў», — адзначыў ён.
«Шкода, імаверна, будзе складацца з трох кампанентаў: недаатрыманыя сродкі за транзіт, недаатрыманы прыбытак ад перапрацоўкі расійскай нафты, сродкі, выдаткаваныя на ачыстку і, магчыма, на замену або рамонт абсталявання», — лічыць старшы дырэктар аддзела карпарацый Fitch Дзмітрый Марынчанка.
Па разліках «Ведомостей», зыходзячы з наяўных дадзеных, шкода можа скласці ад $ 271,3 млн да $ 435,3 млн.
Плата за транзіт нафты па тэрыторыі Беларусі ў напрамку Польшчы, Германіі і Украіны у 2018 г. была $ 0,84 за перапампоўку 1 т на 100 км, казаў у красавіку старшыня канцэрна «Белнафтахім» Андрэй Рыбакоў. Пры працягласцi нафтаправодаў дзяржкампаніі «Гомельтранснафта Дружба» 1900 км плата за ўвесь маршрут магла быць $ 15,96 за 1 т. Дадзеныя, колькі расійскія кампаніі прапампавалі праз тэрыторыю Беларусі, адрозніваюцца: віцэ-прэзідэнт «Транснафты» Сяргей Андронаў казаў у студзені, што перапампаваныя былі 48,9 млн тон, на сайце «Гомельтранснафта Дружбы», якая адкаўвае за перапампоўку, указана, што з Расіі праз Беларусь прайшло 58,8 млн тон. Такім чынам, «Гомельтранснафта Дружба» магла атрымаць за транзіт у мінулым годзе ад $ 780,4 да $ 938, за 5 млн, а недаатрыманая выручка пры захаванні тарыфу і прапампоўкі магла скласці за 14 дзён ад $ 29 млн да $ 35 млн.
