Google захоўвае пакупкі карыстальнікаў у інтэрнэце з дапамогай электроннай пошты, на якую прыходзяць пацверджанні аб аплаце паслуг і тавараў, піша Cnet.
Google захоўвае інфармацыю аб пакупках карыстальнікаў дзякуючы паведамленням-пацверджанням, якія прыходзяць на электронную пошту Gmail.
Паглядзець гісторыю сваіх пакупак за апошнія 5 гадоў можна па гэтай спасылцы. У кампаніі заяўляюць, што гэтая інфармацыя даступная толькі карыстальнікам, якім належаць пакупкі, і, у выпадку чаго, яе можна выдаліць.
Для гэтага трэба націснуць на пакупку, затым запытаць інфармацыю пра яе, і адкрыць ліст пацверджання на Gmail, з дапамогай якога Google і дадаў куплю ў спіс. Выдаліўшы ліст — вы выдаляеце інфармацыю аб куплі.
«Мы не выкарыстоўваем ніякай інфармацыі з вашых паведамленняў Gmail для таго, каб паказваць вам рэкламу. Гэта тычыцца квітанцый і пацверджанняў па электроннай пошце, паказаных на старонцы куплі», — адзначылі ў Google.