Сёння ў эканамічным судзе Мінска праходзілі слуханні па пазове галоўнага ўпраўлення спорту і турызму Мінгарвыканкама да мінскага «Дынама».
Суд задаволіў пазоў аб адмене рашэння ЗАТ «Дынама» Мінск аб выпуску 108 простых акцый, прынятае ў снежні 1999 года, калі «Трайпл», асноўным уладальнікам якога з'яўляецца Юрый Чыж, увайшоў у склад заснавальнікаў і атрымаў 40 акцый «Дынама».
Раней паведамлялася, што Юрый Чыж хацеў прадаць клуб за 1 мільён рублёў. Аднак перамовы з прадстаўніком бізнэсу былі безвыніковымі.
У канцы жніўня 2018 года ў «Трайпл» паступіла прапанова ад Мінгарвыканкама пра бязвыплатную перадачу акцый ЗАТ «Дынама-Мінск». На што «Трайпл» адказаў, што акцыі трэба забіраць на платнай аснове.
Рашэнне можа быць абскарджана цягам 15 дзён.
0
0
0
0
0
0