«Гэта не гаўно, гэта — пылок. Проста яго сагнала ў кучу, ён сабраўся і пачаў падгніваць. Таму і смурод такі», — так работнік «Мінсводаканала» патлумачыў Еўрарадыё, чаму ў раёне кавярні «Маяк» на беразе Свіслачы ўжо амаль тыдзень стаіць, скажам так, непрыемны пах.

Ярка-зялёную ваду ўздоўж берага і смурод мясцовыя жыхары заўважылі 18 траўня. Увечары таго ж дня на месца прыехала некалькі машын МНС, уключаючы машыну хімічнай бяспекі. Ратавальнікі аператыўна абгарадзілі налёт, які з'явіўся, а супрацоўнікі Санэпідэмстанцыі ўзялі пробы рэчыва. Субстанцыя знаходзіцца каля берага ракі да гэтага часу. І да гэтага часу смярдзіць.

Як распавёў Еўрарадыё начальнік вытворчасці па эксплуатацыі Вілейска-Мінскай воднай сістэмы «Мінскводаканала» Васіль Бабей, субстанцыя не ўяўляе небяспекі — гэта пацвердзіла экспертыза Санэпідэмстанцыі. Аднак нягледзячы на непрыемны пах, прыбіраць яе не будуць па некалькіх прычынах:

«На ваду нельга выходзіць, таму што нераст. Гэта па-першае. А субстанцыя — гэта пылок і пыл. Вада мае такую ўласцівасць — да яе ўсё прыліпае. Гэтую субстанцыю і сабраць нельга — яна прасочваецца праз падхватнікі. Гэта па-другое».

Застаецца толькі чакаць, калі субстанцыя знікне сама. Колькі ж гэта можа заняць часу?

«Гэта ўсё пройдзе вельмі нават хутка. Залежыць, вядома, ад умоў надвор'я: калі будзе навальніца і дождж, то адразу ўсё змые. А так, думаю, праз тыдзень усё пройдзе. А цяпер стаіць спёка — няма дажджу», — працягвае Васіль Бабей.

Аналагічная сітуацыя назіраецца на берагах Свіслачы і ў іншых раёнах сталіцы. Напрыклад, смярдзючую субстанцыю можна выявіць пад мостам у скверы Старосцінская слабада, у раёне гасцініцы «Юбілейная». Па словах відавочцаў, яна там знаходзіцца ўжо трэці тыдзень. Сардэчна запрашаем у Мінск, турысты!

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

7
Каментатар / Адказаць
26.06.1977 / 18:30
Ну если верить словам все логично ну а вообще вот он 21 век нада ждать ничаго не можам но запад кляты завидует
13
Каментатар / Адказаць
10.01.1989 / 03:31
а красиво звучит,умеем же мы говно маскировать красивыми словами,не отнимеш,еще и нерест приплели-профессионалы одним словом
1
Каментатар / Адказаць
29.08.2005 / 17:25
Может это кака?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру