Колькасць пацярпелых, якія звярнуліся ў медыцынскія ўстановы пасля серыі выбухаў у цэху НДІ «Крышталь» у расійскім Дзяржынску, склала 116 чалавек, сярод іх дзіця. Пра гэта паведамляе ria.ru са спасылкай на крыніцу ў экстраных службах Ніжагародскай вобласці.
Па словах суразмоўцы агенцтва, па стане на 3 чэрвеня на лячэнні знаходзяцца 17 чалавек, адзін з іх у цяжкім стане.
У суботу 1 чэрвеня ў цэху па вытворчасці тратылу на ДзяржНДІ «Крышталь» у Ніжагародскай вобласці адбыліся тры выбухі. Па дадзеных МНС, пасля гэтага пачаўся пажар на плошчы 100 квадратных метраў.
Інфармацыі аб загінулых няма. У выніку здарэння пашкоджана шкленне больш за 450 будынкаў, у тым ліку 32 школ і 55 дзіцячых садоў.
0
0
0
0
0
0
