Міхаіл Саакашвілі заявіў, што былы прэзідэнт Украіны Пятро Парашэнка тройчы прапаноўваў яму пасаду прэм'ер-міністра, паведамляе НВ.

«Я тройчы адмаўляў Парашэнку, калі ён мне прапаноўваў быць прэм'ерам. Я думаю, што адзін ці два разы ён прапаноўваў шчыра, у трэці раз ён проста хацеў мяне падставіць. Але рэальна ён прапаноўваў — я адмаўляўся», — сказаў Саакашвілі.

Па словах палітыка, ён адмаўляўся ад прапаноў прэзідэнта заняць гэтую пасаду, паколькі Парашэнка не быў згодны на кадравыя перастаноўкі Саакашвілі ў радзе міністраў.

«Ён сказаў: «Ты што, смяешся? Я табе прапаную, як сябар сябру, другую пасаду ў краіне, а ты мне расказваеш, што ты павінен, аказваецца, тут усё разбурыць, усіх пагнаць, і мы павінны акунуцца з невядомым вынікам», — падзяліўся Саакашвілі.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру