12 чэрвеня, каля 15-й гадзіны, у Светлагорску было зафіксавана ДТЗ на вуліцы Заводскай, паведамляе Ранак.
Негружаны лесавоз прыехаў з Парыч у Светлагорск для праходжання тэхагляду. На ўездзе ў горад маніпулятар грузавіка ўпаў і зачапіў прыпаркаваныя на ўзбочыне дарогі аўтамабілі. Адразу пяць.
Адной з машын, Аўдзі А6, дасталася больш за ўсіх. Яе працягнула па асфальце ўверх коламі. Дах машыны фактычна «зрэзала».
Астатнія аўто атрымалі не такія істотныя пашкоджанні.
Нягледзячы на маштабы гэтай аварыі, людзі ў ёй, на шчасце, не пацярпелі. Усе прыпаркаваныя машыны былі пустыя.
0
0
0
0
0
0
