Асноўная прычына здарэння на глыбакаводным апараце ў Баранцавым моры 1 ліпеня — пажар у акумулятарным адсеку, заявіў міністр абароны Расіі Сяргей Шайгу на сустрэчы з Уладзімірам Пуціным, паведамляе Інтэрфакс.
Па словах Шайгу, пажар «атрымаў нейкі распаўсюд».
Ядзерная энергетычная ўстаноўка на падлодцы знаходзіцца цалкам у працаздольным стане, сказаў міністр. Яна «цалкам ізаляваная і бязлюдная», экіпаж выканаў усе неабходныя дзеянні па яе абароне. «Гэта дазваляе нам спадзявацца на досыць кароткія тэрміны па аднаўленні апарата», — адзначыў Шайгу.
Спецыялісты ацэньваюць стан падлодкі. «Першая адзнака — рамонт магчымы. У нашым выпадку не проста магчымы, а абавязковы. Цяпер ацэньваем тэрміны, у якія мы гэты аб'ём можам выканаць», — заявіў Шайгу.
У выніку пажару на падлодцы загінулі 14 чалавек.
