Каментаваць выпадак са смяротным зыходам і некалькімі пацярпелымі журналістам Радыё Свабода ў кампаніі «Піра-Рос», якая вырабляе і прадае феерверкі, адмовіліся.
Беларускае выданьне Office Life раней дазванілася ў кампанію. Там пацвердзілі, што супрацоўнічаюць з Міністэрствам абароны Беларусі не першы год. Паводле прадстаўніка кампаніі, яны паставілі ў Мінск зарады расійскай вытворчасці з партыі 2017 года. Сума паставак аднолькавая штогод — каля 20 мільёнаў расійскіх рублёў. Гэта больш за 600 тысяч беларускіх рублёў. Таксама паведамляецца, што прадстаўнікі кампаніі ўжо знаходзяцца ў Мінску.
Кампанія вырабляе абсталяванне для салютаў і феерверкаў з 1994 года.
Паводле прэс-сакратара Мінабароны Уладзіміра Макарава, «салютныя ўстаноўкі ў Беларусі не выпускаюцца».
«Самая поўная інфармацыя будзе дадзена вайсковым ведамствам, калі ўсё высветліцца», — сказаў ён.
Як выглядае разбураная ад выбуху салютная ўстаноўка ФОТА
