У РНПЦ «Маці і дзіця» 5 ліпеня жанчыны, якія нарадзілі дзяцей у Дзень Незалежнасці, прымалі віншаванні ад кіраўніка Адміністрацыі прэзідэнта Наталлі Качанавай, міністра аховы здароўя Уладзіміра Караніка і старшыні «Белай Русь» Генадзя Давыдзькі, паведамляюць Мінск-навіны.
Мам 17, у адной з іх двайняты.
- У вас двайняты? Хлопчыкі? Прыходзьце па дзяўчынку! - цешацца і адначасова жартуюць госці.
Шчаслівая мама паабяцала, што вернецца ў гэтую радзільню яшчэ і па дачку.
— Толькі не перадумайце! У мяне двое дзяцей — хлопчык і дзяўчынка, і, як бацька, магу сказаць, што сын — гэта добра, а дачка — выдатна, — заўважыў міністр аховы здароўя У. Каранік.
— А ў вас хто нарадзіўся? — пацікавілася ў іншай мамы Н. Качанава.
— Сын.
— Назвалі яго ўжо? — працягнула Наталля Іванаўна.
— Так, Міраслаў.
— Здорава! Маю ўнучку таксама Міраславай завуць! — заўсміхалася Качанава.
