Прэм'ер-міністр Косава Рамуш Харадзінай падаў у адстаўку пасля таго, як яго выклікалі ў Гаагскі суд па расследаванні ваенных злачынстваў у якасці падазраванага, перадае Reuters.
Спецыяльны суд па расследаванні ваенных злачынстваў у Косаве быў створаны ў 2015 годзе для суда над паўстанцамі Арміі вызвалення Косава за меркаваныя зверствы падчас вайны 1998-1999 гадоў, якая прывяла да незалежнасці ад Сербіі.
Харадзінай ужо другі раз сыходзіць у адстаўку з пасады прэм'ер-міністра. У 2005 годзе трыбунал выставіў яму абвінавачанне ў датычнасці да ваенных злачынстваў. У выніку Харадзінай быў апраўданы.
0
0
0
0
0
0
