За 2019 год у Літве за спробу ўхіліцца ад службы ў войску пакаралі амаль 7000 маладых людзей, паведамляе Delfi.
Паводле Мінабароны, у адміністрацыйным парадку ў 2016 годзе пакаралі 270 прызыўнікоў, у 2017 годзе — 5500, у 2018 годзе — 7400, а у 2019 годзе — ужо 6800 чалавек.
Адміністрацыйная адказнасць не вызваляе ад выканання вайсковай службы.
У вышук адправілі спіс з 3600 прызыўнікоў. Адносна іншых 3900 праводзяць адміністрацыйныя расследаванні, імаверна, ім пагражаюць штрафы.
Усяго сёлета ў спісе прызыўнікоў 31 тысяча маладых людзей ва ўзросце 19-26 гадоў. З іх у войска прызвалі 3800 чалавек.
У мінулым годзе ад службы ў войску спрабавалі ўхіліцца 10700 чалавек. З іх крыху больш за 60% пражываюць за мяжой.
Згодна з законам аб прызыве, за невыкананне патрабаванняў прызыўнікам пагражае штраф у памеры 30-140 еўра, за няяўку ў ваенкамат пагражае штраф у памеры 300 еўра.
За спробу пазбегнуць службы ў войску пагражае крымінальная адказнасць і можа быць прызначаны штраф, арышт або пазбаўленне волі тэрмінам да 3 гадоў.