У аддзеле арганізацыйна-кадравай работы Шчучынскага райвыканкама «НН» паведамілі, што сацыяльны педагог мясцовага сельскагаспадарчага ліцэя Анастасія Андрыясава звольненая з працы.
Анастасія Андрыясава. Фота ok.ru.
Прычынай звальнення стаў аўдыязапіс, які быў выкладзены ў тэлеграм-канале Nexta на мінулым тыдні. На ім спадарыня Андрыясава адборным матам размаўляе з навучэнцам ліцэя Маркам Ханько, які напярэдадні склаў жартаўлівую петыцыю на ўзор амерыканскай пра штурм вайсковай базы «Зона 51». Вось толькі Ханько заклікаў штурмаваць шчучынскі ліцэй.
«Ты, бл***ць, паўдурак, па-іншаму цябе не назавеш. Ты калі гэтую ху***ню пра іншапланетнікаў чытаў, можа, таксама думаў, што тут іншапланетнікі вучацца? Што ж ты, кончаная твая морда, ху***ню розную пішаш? Ты ж дэбіл чыстай вады!
І гэтаму дэбілу аўтамат праз год дадуць у арміі. Пі***ец жа будзе, пойдзеш штурмаваць вайсковую частку? Прыдурак! Вось цябе не дай бог нехта клануе. Гэта ж такія дэбілы, што горш за іншапланетнікаў будзе», — казала Анастасія Андрыясава.
Таксама ў запіс размовы трапіў і дырэктар установы Дзмітрый Маркевіч. Ягоны лёс пакуль вырашаецца ў Гродзенскім аблвыканкаме. Рашэнне аб звальненні дырэктара яшчэ не прынятае.
Спадар Маркевіч у прыватнасці называў Марка Ханько «казачным даў***ам» і палохаў магілёўскай калоніяй.
