У Столінскім раёне знойдзеныя боепрыпасы, якія не выбухнулі, піша УУС Брэсцкага аблвыканкама.
Жыхар райцэнтра знайшоў у лесе недалёка ад вёскі Цярэблічы незвычайныя прадметы, пра якія паведаміў у міліцыю. Праваахоўнікі высветлілі, што раней на гэтай тэрыторыі размяшчаўся авіяпалігон, а мужчына замест дароў лесу знайшоў 24 баявыя элементы ад ракеты сістэмы залпавага агню «Смерч», тры узрывальнікі ад баявога элемента і адзін узрывальнік ад авіябомбы. Снарады знішчыла сапёрна-піратэхнічная група.
0
0
0
0
0
0
